The Indian national or "Bombay" mother and daughter were jailed for getting fake or unregistered cooking oil in Barangay Patul, Sanatiago City in Isabela.

Karsel an bagsak kan mag-inang Indian national o “Bombay” makalihis na makuwaan nin peke o bako rehistradong mantika sa Barangay Patul, Sanatiago City sa Isabela.

Binisto ni CIDG Acting Director Police Brigadier General Romeo Macapaz an mga suspek na sina alyas “Kulvinder” asin aki kaining si “Kamaljot.”

Sinabi ni Macapaz na an nasabing mantika an nagkakantidad nin P1.3 million.

Nakalaag an mga nasabing mantika sa 273 na containers.

Kasunod kaini an nagpatanid an PNP-CIDG sa publiko mapadapit sa paglakop kan mga bako rehistradong mantika o cooking oil sa merkado na pwedesir makapinsala sa salud.

Napag-araman na warang magkakanigong lisensya hale sa Food and Drug Administration (FDA) an mag-ina nganing magpabakal nin nasabing produkto na sarong tahasang pagbayolar sa FDA Act of 2009.

Abiso ni PBGen. Macapaz, an mga bako rehistradong mantika an dae nag-agi sa tamang pagsusuri, kun kaya may peligro ining ikawsa sa salud kan mga guminamit kaini.