LEGAZPI CITY-Nanindugan si Partido Demokratiko Pilipino-Lakas ng Bayan (PDA-LABAN) impeachment spokesperson Atty. Ferdinand Topacio na dai pwedisir na manyari an pagliligtas kanmga senator-judge sa impeachment ni Vice President Sara Duterte huli sa issue kan political affiliation.
Sinabi kan abogado, na dai mahahale an katotoohan na an impeachment process sarong political process o liwat igwang mantsa nin politika.
Kung ipipirit suboot na iligtas o dai makikiaram an ibang senador sa pagpadagos kan trial, huli sa saindang political affiliation asin political party, wara na suboot na mawawalat na senador na magsisirbi bilang judge.
Kada saro suboot sa mga senador igwang kaniya-kaniyang political affiliation, poon pa kan maglansar sa politika.
Bako man suboot tama na ipaotob na dai dapat makiaram an mga senador na kaalyado kan bise presidente asin tugutan na makiaram an mga senador na nagkikritiko sa saiya.
Ipinapahiling man kan abogado an mga senador na igwang koneksiyon sa mga kongresistang pumirma asin nagsulong pa sa impeachment complaint laban sa bise.
Nanindugan man an abogado na kaipuhan munang tawan nin atensiyon kan 20th congress kung igwa ining hurisdiksyon sa impeachment complaint laban kay VP Sara bago magpadagos sa paglilitis.
Magigirumduman na an nasambitang reklamo sa 19th congress, saro sa mga pangenot na kuwestyon ngonian kung igwang hurisdiksyon an sunod na kongreso ngani ipadagos an kaso kan bise presidente.
