Desidido an negosyanteng si Charlie “Atong” Ang na sunadan nin kaso an whistleblowers na idinamay siya sa pagkawara kan mga sabungero.
Segun sa kampo kaini na saindang isusunad ngonian na aldaw ki Office of the Mandaluyong City Prosecutor Arthur Magpantay an kaso laban kina Julie “Dondon” Patidongan at Alan Bantiles, alias “Brown”.
Mahahampang an mga ini sa mga kasong attempted robbery with violence and intimidation, grave threat, grave coercion, incriminating against innocent persons asin slander.
Naggibo suboot an duwa nin mga kuwento nganing rauton an pagkatawo kan negosyante.
Nangapodan man sinda sa publiko na dae maglakop nin salang impormasyon nin warang anumang ebidensiya.
Magigirumdumang ibinunyag kan sarong alyas “Totoy”, saro sa mga anom na guwardya sa Manila Arena asin ngonian an nagin state witness na gadan na an mga sabungero kun saen sinda iginapos bago itapok suboot sa Taal Lake.
