LEGAZPI CITY—Nagpuon nang magtaong serbisyo an lokal na gobierno kan ciudad kan Legazpi na may kinaaraman pag-ofresir nin libreng bakuna kontra rabies sa namamanwaan sa naunambitang ciudad.
Segun ki Legazpi City Mayor Hisham Ismail, sa intrevista kan Bombo Radyo Legazpi, na sa ngunyan nasa 20 persona kada aldaw an kayang maakomodar kan saindang opisina asin nasa first come, first serve.
Pig-asigurar man kan alkalde na bago man maubos an suplay kan bakuna dudungangan man tulos nganing magin sustenable ini.
Sinabi kan opisyal na ipinaotob an programa kan Hunyo 30, 2025 kun saen may obhetong magin libre asin magin abot-kaya an pagpapabakuna urog na sa ciudad kan Legazpi.
Abiso man kan opisyal sa mga namamanwaan kan ciudad nin Legazpi na dae magduwa-duwa na magpasiring sa Legazpi City Health Office nganing maaprobitsaran an nasambitang programa.
