LEGAZPI CITY-Pinangaranan na kan Department of Education (DepEd) an 14 eskwelahan na napili para sa pilot run kan Senior High School (SHS) work immersion program.
Obheto suboot kan programang ini na maparahay pa an kakayahang magtrabaho kan mga magsisipagtapos sa K-12.
Sa ipinaluwas kan DepEd na Memorandum 052, 4 an eskwelahan sa Metro Manila na kaiba sa pilot implementation, 3 sa Region 4-A asin saro sa Region 1, 3, 4-B, 5, 7, Cordillera Administrative Region asin Region 11.
Sa Metro Manila, isasagibo an pilot run kan SHS immersion program sa Rajah Soliman High School and Science and Technology High School sa Manila, Rizal High School sa Pasig, Malanday National High School sa Marikina at Tunasan National High School sa Muntinlupa.
Napili man an eskwelahan sa Luzon siring kan San Nicolas National High School sa Ilocos Norte, Angeles City National Trade School sa Pampanga, Tanza National Trade School sa Cavite, Mamatid Senior High School sa Cabuyao City at Santo Tomas National High School sa Batangas.
San Jose National High School naman an napili sa Occidental Mindoro asin Ligao National High School sa Albay para sa Bicol region, Mandaue City Comprehensive National High School sa Cebu, Baguio City National High School sa Cordillera region at Davao City National High School sa Davao City.
Nilinaw man ni DepEd Secretary Sonny Angara na basado ini sa inisyung guidelines asin bako sakop kan pilot program an ibang SHS institutions na dai nabanggit.
Magpopoon an implementasyon kan enhanced immersion guidelines ngonian na school year 2025-2026 asin magpapadagos sa SY 2026-2027.
