Nilinaw kan pamayuhan kan Department of Transportation na para sa gabos an fuel subsidy na ibabarewas asin bako sana para sa mga consolidated Public Utility Vehicle.
Obheto kan subsidiyang ini na mabawasan an pasanon na pigkakahampang kan mga PUV drivers asin operators kawsa kan halangkaw na presyo kan petrolyo sa nacion.
Susog sa ahensya, dae kaipuhang consolidated na an mga driver o operator nganing matawan nin fuel subsidy kan gobierno.
Pigduon pa kaini na kaipuhang maging inklusibo an programang ini kan gobyerno huli ta gabos nin sektor an nakamamati kan epekto nin halangkaw na presyo kan petrolyo kawsa kan tensyon sa pagultangan kan Israel asin Iran.
Enot nang sinabi kan ahensya na target kan gobyerno an tulos na pagtao nin fuel subsidy sa mga operators asin drivers of public utility vehicles sa nacion.
Ipapaluwas an nasabing subsidya sa paagi kan Land Transportation Franchising and Regulatory Board.
Paliwanag kan DOTr na sa ngunyan pigsasapinal na an mga guidelines kan ipapaotob na programa.
