Gadan an sarong barangay kagawad makalihis tambangan asin pagbabadilon sa parte kan Brgy. Palca, Tuao, Cagayan.
Binisto an biktima na si Rodrigo Dupitas, 58-anyos kan Brgy. Angang, Tuao.
Segun kay Angang Barangay Captain Rogelio Villaga, hale suboot sa palengke an biktima kaiba an saiyang agom asin pauli na kuta an mga ini sakay kan saindang kolong-kolong kan mangyari an pambabadil.
Basado suboot sa inisyal na impormasyong nadadangog hale sa mga nakahiling na indibidwal an sakay suboot nin motorsiklo an duwang indibidwal na guminadan sa suspek asin nagsapo suboot nin duwang tama nin bala an biktima sa saiyang payo asin liog.
Blangko naman an opisyal sa posibleng rason kan pambabadil sa biktima.
Segun saiya, wara na man siyang nahihiling na kaiwal si Kagawad Dupitas asin aktibo man suboot ini sa pag-otob kan mandato sa saindang barangay.
Nagsasagibo na an kapulisan nin malalimang imbestigasyon nganing maaraman an motibo sa pambabadil asin maaraman an identidad kan mga salarin.
