Inilubong suboot sa Taal Lake an 34 na sabungerong napag-araman na nawawara nin apat na taon segun sa statement kan saro sa mga suspek.
Sa sarong intrevista naunambitan ni alias ”Totoy” na ginadan an mga biktima sa paagi kan pagtungok gamit an wire. Nilinaw man kaini na gabos kan mga sabungero an nadakop na nandaya suboot.
Huli sa banta sa saiyang pamilya kaya daw siya nagdesisyong na ibuyagyag asin nagpromesang ilalantad an tunay na utak kan pagadan sa mga biktima.
Naunambitan man na igwang mga drug lord na kaibanang inilubong sa Taal Lake.
Napag-araman na an anom na security guard na kaibanan sa mga nawawara an binistong sina Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, asin Roberto Matillano Jr.
Padagos naman an ginigibong imbestigasyon kan Department of Justice asin Philippine National Police para sa paglilitis kan mga suspek.
