LEGAZPI CITY – Saro an irido makalihis an nangyaring salpukan kan dimp truck asin van sa Taysan-Puro road sa Legazpi City.
Susog sa impormasyong naguno kan Bombo Radyo Legazpi, halos mayupi an enotan na parte kan van huli sa kusog kan aksidente.
Tulos man na nirespondehan kan mga otoridad an warang malay na biktima.
Base man sa pangenot na imbestigasyon kan otoridad, posibleng marikas an pagmamaneho kan truck asin nagporbar na mag overtake alagad dae kaini napansin an van na nasa ibong na linya.
Nagkawsa man nin gabat nin trapiko an insidente huli ta parehong nasakop kan mga imbwelto an tinampo.
Sa presente, dae pa bisto an identidad kan biktima asin nagpromesa na an driver kan truck na sasaguton an gastos sa pagpapabulong sa biktima asin sa pagpapa-ayos kan behikulo.
