LEGAZPI CITY – Preparado na an Gobierno Lokal kan Legazpi para sa nagdadangadang na Bicol Loco Festival 2025.
Segun ki Legazpi City Mayor Alfredo Garbin Jr. sa intrevista kan Bombo Radyo Legazpi na katabang ninda an organizers, tourism promotion board kan Department of Tourism, asin Civil Aviation Authority of the Philippines para sa venue kan aktibidad.
Mawot nindang magin matrayumpo an kabilugan kan pagselebrar kan nasabing festival nganing magin maugma an gabos na madalan digdi.
Afuera sa mga local astist asin kpop stars, piglalaoman ninda na may makikisumaro man na mga foreign nationals bilang partisipante asin piloto sa hot air ballon asin air show kan aktibidad.
Pigtaram pa kan opisyal na pigdudumog kaya an nasabing aktibidad huli sa pagigin kalmado kan panahon kada isasagibo ini sa ciudad.
Magigin dakulang tabang man suboot ini para sa pagpapa-uswag kan turismo asin mabisto an mga nagkapirang mga pamosong atraksyon sa ciudad magin sa provincia kan Albay.
Susog man sa saindang projection, piglalaoman ninda na maabot sa labi 500 thousand an makikisumaro sa Bicol Loco 2025.
Pagdoon ni Mayor Garbin na haloy na ninda ining pighahandaan kun kaya syerto na suboot an mahigot na pagbabantay kan mga law enforcement agency nganing mapaotob an pazy orden sa enterong durasyon kan aktibidad.
