Ipinaliwanag kan Duterte Youth party-list na an suboot paggamit nin ibang apelyido kan saindang 1st nominee na si Drixie Cardema an para sa name recall.
Para man sa Commission on Elections, naghihiro na an imbestigasyon para digdi kan Law Department.
Dinepensaran ni Ronald Cardema, Chairman kan Duterte Youth, an alegasyong piggagapo sa saindang 1st nominee na si Drixie Cardema na ibang paggamit nin apelyiido para sa saiyang Certificate of Nominations and Acceptance para sa 2025 Midterm Elections.
Segun kaya sa pagsusuri, an tunay na pangaran suboot kan nominee kan Duterte Youth iyo an Drixie Mae Suarez asin bako Cardema.
Siya kaya an tugang kan agom ni Ronald Cardema, ibig-sabihon hipag siya kaini.
Sinabi ni Cardema na an gabos na kongresista asin senador an pormal na naghahagad suboot sa kamara asin senado nin mga political names na mawot nindang gamiton sa bilog na termino ninda huli ta an “name recall” an importante sa politiko.
Para man sa Commission on Elections (COMELEC), nakatalaan mang magluwas nin motu proprio show cause order an Law Department kan COMELEC laban sa enot na nominado kan Duterte Youth huli suboot sa paggamit nin ibang apelyido sa saiyang Certificate of Nominations and Acceptance.
Piglinaw man ni Garcia na dae kaini maaapektaran an nominasyon asin posibleng proklamasyon ni Drixie huli ta wara pang pormal na petisyong ipigsusumite para sa pagkanselar kan saiyang nominasyon.
Segun pa kay Garcia, sisiyasaton man kan poll body an mga opisyal na dokumentong isinumite ni Drixie Cardema kan siya an magsunad nin kandidatura para sa 2025 National and Local Elections, pati na man an saiyang mga dating records.
Magigirumdumang puminangduwa an Duterte Youth sa party-list race para sa Eleksyon 2025, na nakakuwa nin 2.3 milyong boto.
Siring man, ipinagpalihis kan COMELEC, na matukaw bilang National Board of Canvassers, an saindang proklamasyon huli sa mga nakabinbing kaso.
