LEGAZPI CITY—Tinawan-doon kan Commission on Elections (Comelec) na mas dakula an magigin pangangaipo kan ahensya en kaso liwat na i-postpone an Barangay and Sangguniang Kabataan Elections na nakatalaang gibohon sa Nobyembre 2 asin ilipat ini sa 2028.
Magigiromdomang nagsunad si Senador Francis Escudero nin propwestong ley na ipag-octaba an eleksyon ngunyan na 2026 asin gibohon sa 2028, mantang pinalawig ang termino kan mga opisyal kan barangay asin SK gikan sa apat na taon pasiring sa limang taon.
Segun ki COMELEC Spokesperson Atty. John Rex Laudiangco, sa intrevista kan Bombo Radyo Legazpi, en kaso man na madagos na ilipat sa 2028 an dae man sindang nahihiling na masasayang an pondong tinagama digdi huli sa pwedesir man giraray ining magamit, alagad sa ibong na banda igwa suboot nin pagbabago.
Kun ioctaba kaya an eleksyon, obligado an ahensya na magbukas liwat nin registration na maresulta sa pagdakol kan mga botante. Kaya oras na magdakol an botante sa 2028 an mangangaipo man sinda nin mas dakulang pondo para sa dugang na balota, ballot box, dagdag na mga paratukdo na maserbi, magin sa mga presinto.
Dugang ni ·Laudiangco na kun malipat an Barangay and Sangguniang Kabataan Elections sa 2028 an magigin agyat man ini sainda huli sa kasabay kaini an presidential elections.
Mientrastanto, mantang nag-iiral an Republic Act No. 12232 o an paggibo kan BSKE sa Nobyembre 2 padagos man liwat an paghahanda kan Comelec asin desidido sindang idagos ini huli sa saro ining ley.
Alagad kun dagos man suboot na magin ganap na ley an ipigsunad ni Senador Escudero makakalaom man an publiko na susunodon ninda ini.
