LEGAZPI CITY—Pighayag kan grupong Gayon Albay LGBT Organization na an paglangkaw kan kaso kan human immunodeficiency virus (HIV) an indikasyon na dakol an nagsasairarom sa HIV-testing.
An Gayon Albay LGBT Organization an sarong organisasyon kan LGBT (lesbian, gay, bisexual, transgender) na presenteng nakapokus sa adbokasiyang may kinaaraman sa derechos humanos asin HIV.
Nag-oofresir an nasambitang organisasyon nin libre asin confidential na HIV screening.
Segun ki Gayon Albay LGBT Organization President Marvin Echalas, sa intrevista kan Bombo Radyo Legazpi, na kun hihilingon nakakaalarma an paghalangkaw kan nasambitang kaso, alagad, sa ibong na banda pwedesir na saro suboot ining indikasyon na nagkakaigwa nin resulta an mga adbokasiya kan saindang organisasyon asin mas dakol na an mga nag-aaprobitsar sa HIV Testing.
Dugang kan opisyal na saro man sa rason kun nata dakol man giraray an natatakot asin nasusupog na magpa-HIV test nin huli sa stigma na naeeksperyensyahan kan People Living with HIV.
Pighihiling man kan organisasyon na an iniluwas na datos an makakatabang nganing mahiling pa an mga dapat na mga gibohon na lakdang para sa mga People Living with HIV.
Mientrastanto, pagiromdom man ni Echalas sa publiko na bako death sentence an helang na HIV asin igwa pang pwedesir na gibohon nganing mapalawig asin magin normal man liwat an buhay kan sarong indibidwal.
Tinawan-duon man kaini na bako sana mga kajovenesan asin miyembro kan LGBT an pwedesir na tamaan kan HIV kundi maski siisay man na persona kun kaya kinakaipuhan na an lambang saro an may dapat na gibohon nganing malabanan an nasambitang helang.
 is an indication that many people are undergoing HIV-testing.){kind=link}