Plano ngunyan kan Department of Health (DOH) na ideklara an national public health emergency huli sa paglangkaw kan kaso nin human immunodeficiency virus (HIV) infections.
Segun ki DOH Secretary Ted Herbosa, na nagsakat na sa 500 percent an paglangkaw kan HIV infections sa mga edad puon 15 sagkod 25.
Ikinaalarma ini huli ta an pinakajoven na tinamaan kan helang an sarong 12-anyos gikan sa Palawan kun saen nakua an virus sa pakikipagtalik.
Dugang kan kalihim na an Pilipinas an may pinahalangkaw na kaso sa Western Pacific Region.
Nagpatanid pa an opisyal na kun warang gigibohon na lakdang an gobyerno posibleng mag-abot sa 400,000 an kaso kan HIV sa bilog na nacion.
Saro sa mga nahihiling na rason kan DOH na kaya duminakol an numero kan HIV an huli sa paglangkaw nin paggamit kan social media asin mga dating apps.
