Binombahan kan barko kan China Coast Guard (CCG) nin water cannon asin ginitgitan an barko kan Bureau of Fisheries and Aquatic Resources (BFAR) sa may Pag-asa cay 2 o Sandy Cay sa West Philippine Sea.
Sa sarong statement, kinumpirmar kan BFAR na nagsasagibo an duwang barko kaini na BRP Datu Sanday asin BRP Datu Pagbuaya nin routine mission kaiba an sarong scientific team ngani magkolekta nin sand samples sa lugar bilang parte kan maritime scientific research initiative kan mangyari an panibagong pangha-harass kan Chinese vessel.
Susog sa ahensya, duwang beses na binombahan nin water cannon asin ginitgitan kan CCG vessel 21559 an BRP Datu Sanday na nagresulta nin danyos sa port bow asin smokestack kan barko kan Pilipinas kun saen naibugtak sa peligro an buhay kan mga lunad na sibilyan.
Sinabi kan BFAR na ini an enot na pagkakataon na maggamit nin water cannon an Chinese vessel laban sa research vessel kan BFAR sa may Pag-asa cays.
Sa ibong kan agresibo, mapeligroso asin iligal na aksyon kan barko kan China, nagibo man na makumpleto kan scientific team kan Pilipinas an saindang misyon sa Pag-asa Cays 1,2, asin 3.
 ship fired water cannon and rammed a Bureau of Fisheries and Aquatic Resources (BFAR) ship near Pag-asa Cay 2 or Sandy Cay in the West Philippine Sea on Wednesday, May 21.){kind=link}