LEGAZPI CITY – Tahasang pigtuga kan Commission on Elections Bicol na nagin lantaran an vote buying asin vote selling sa rehiyon sa kakatapos pa sanang 2025 Midterm Election.
Alagad paglinaw ni Commission on Elections Bicol Director Atty. Jane Valeza sa intrevista kan Bombo Radyo Legazpi na ginibo man kan mga law enforcement agencies an saindang trabaho sa pagsawata kaini asin sinda an nakatoka na sa mga aparato na gagamiton sa pirilian arug kan balota asin mga Automated counting machine.
Nagsagibo man an mga otoridad nin warantless arrest kun nadakop ninda an sisay mang botante asin politiko an naggigibo nin ilegal na gawi partikular na an vote buying.
Mientrastanto, pigtaram pa kan opisyal na ipapadagos an Barangay and Sangguniang Kabataang Elections (BSKE) sa maabot na disyembre nganing pilion an mga masunod na matukaw asin mangengenot sa mga barangay sa enterong rehiyon.
Pwedesir na ma-postpone an nasabing pirilian kun mapasa nin resolusyon an kongreso nganing ma-octaba ini.
Afuera kaini an warang patod man an pagtatao nin bayad sa poco mas o menos 30,000 na mga indibidwal na nagserbi sa nakaaging pirilian.
Pigdugang pa ni Atty. Valeza na maski tapos na suboot an botohan an dae pa tapos an saindang mga trabaho arug kan piggigibong pag-update sa listahan kan mga nagboto asin pagbalik kan mga ginamit na ACM asin balota.
Mawot ninda na matapos an gabos na piggigibo ninda bago mag hunyo 30 huli ta mapoon na man an registration period para sa BSKE sa December ngonian na taon.
