Nagsunad nin petisyon sa Korte Suprema si Duterte Youth Chairman Ronald Cardema makalihis an pagsuspendi kan COMELEC kan saindang proclamation.
Sinabi kaini na naghirit siya nin Temporary Restraining Order asin Writ of Preliminary Mandatory injunction.
Pagdoon kaini na an ginibo kan COMELEC an pagmamalabis asin sarong klase nin pang-aabuso.
Dugang pa kaini na dapat kan nakaaging semana pa ninda sinabi na dae sinda kaiba sa proclamation nganing magibohan ninda nin paagi asin bako sa pirang oras bago an proclamation tsaka sinda inabisuhan.
Enot nang sinabi ni COMELEC chairman George Garcia na kaya ninda sinuspendi an proclamation kan Duterte-Youth asin Bagong Henerasyon Partylist huli sa mga nakabinbin na disqualification petisyon.
