Tinambakan kan Oklahoma City Thunder an Denver Nuggets sa score na 125-93 sa Game 7 kan Western Conference Semifinals.
Dae man ipinasupog kan Thunder an saindang mga fans sa sadiri kaining court.
Nangenot sa pagkagana kan koponan si Shai Gilgeous-Alexander na nakapagrehistro nin 35 points, apat na assists, tulong rebounds, tulong steals asin sarong block.
Nag-ambag man si Jalen Williams nin 24 points, pitong assists, asin limang rebounds.
Nagin susi sa pagkagana an matinding depensa na ipinahiling kan Thunder kontra ki Nuggets star Nikola Jokić.
Makakahampang man kan Thunder an Minnesota Timberwolves para sa Western Conference Finals.
