De Lima tinuyaw si VP Sara sa pahayag na mawot niya nin ‘bloodbath’ sa impeachment trial

Tinuyaw ni dating Senador Leila de Lima si Vice President Sara Duterte makalihis sabihon kaining mawot niya nin sarong “bloodbath” sa napaparaning impeachment trial sa Senado.

Sa sarong pahayag sa Davao City, sinabi ni Duterte na mantang dae ninda mawot na mag-abot sa paglilitis an proseso, inihanda na kan saiyang legal team an magigin depensa.

Bilang miembro kan panel kan mga prosecutor sa impeachment asin piglalaomang kinatawan kan Mamamayang Liberal (ML) party-list sa ika-20th Congress, tulos na nagsimbag si De Lima sa social media.

Segun ki De Lima, dae pwedesir na magkaigwa nin “bloodbath” huli ta an nakasuhan sana an nasa irarom kan paglilitis.

Dugang kaini an impeachment trial an sarong seryosong proseso nin paninimbagan sa irarom kan Konstitusyon asin bako ini entablado para sa kariribokan o ka-dramahan.

Pinatanidan man kaini an kampo ni Duterte na pwedesir mahampang sa contempt kun sisikapong guluhon an proceedings.

Pig-agyat man ni De Lima si Duterte na hampangon an paglilitis nin may pagrespeto sa proseso, asin sienerto na irerespeto an saiyang karapatan sa irarom kan ley.