Uminangat an kabilugang produksyon kan sektor kan agrikultura asin pagsisira sa Pilipinas nin 1.9% sa enot na tulong bulan kan 2025, susog sa datos kan Philippine Statistics Authority.
Ini an enot na pagtaas hale sa tulong sunod na quarter nin pag-baba kan 2024 na kawsa kan mga kalamidad asin El Niño.
Pinangenotan kan poultry industry an pag-angat, na tuminaas nin 9.4%, mantang an produksyon kan paroy an kadiit na nagtalubo nin 0.3% makalihis an sunod-sunod na pagbaba kan nakalihis na taon.
Naghalangkaw man an produksyon kan mga pananom arug kan tobacco na may 80.4%, cacao na may 23.6%, asin sugarcane na may 19%.
Mientrastanto, nagbaba nin 2.8% an livestock sector, mantang an fisheries an nakapagrehistro nin 1.5% na pagtaas sa produksyon.
