LEGAZPI CITY – Nasa rehiyon Bicol na an 5 Foreign observers na hale sa European Union nganing mag-obserba kan preparasyon kan Commision on Elections bago, mantang asin pagtapos kan 2025 Midterm Elections.
Segun ki Commision on Elections Bicol Director Atty. Jane Valeza sa intrevista kan Bombo Radyo Legazpi na matenir an mga ini 30 aldaw antes an pirilian asin 30 aldaw man pagkatapos kan eleksyon.
Nagpadara sinda nin mga letter sa mga organization siring man sa mga manlain-laing Election Commisions sa enterong kinaban nganing magin international observer.
Parte suboot ini kan saindang obligasyon sa international community na ipahiling sa kinaban na naghihiro an democratic system kan Pilipinas asin maipamalas na pigsusunod ninda an international standards and policy pag-abot sa eleksyon.
Pigtaram pa kan opisyal na afuera sa pag-obserba kan 5 Foreign observers sa komisyon, balak ninda na makipag-olay sa mga stakeholders, media, asin pagduman sa mga voting precint asin comelec warehouse.
Pwedesir suboot na magduman maski sain an limang indibidwal nganing mag-obserba kan mga kaganapan bago, mantang asin pagkatapos kan pirilian, syertuhon sana suboot na ipahiling an saindang ID asin makipagkoordinar sa saindang security team .
Naglalaom si Atty. Valeza na magkakaigwa nin dakulang impact an mga obserbasyon asin rekomendasyon kan mga Foreign observers, mapa maray man suboot o maraot nganing maaraman ninda an saindang pagkukulang asin matawan ini nin magkakanigong aksyon.
