LEGAZPI CITY—Nakapagresponde an Bureau of Fire Protection Albay sa 24 manlaen-laeng insidente makalihis an pag-obserbar kan Semana Santa sa provincia.
Segun ki Bureau of Fire Protection Albay Provincial Fire Marshall Fire Superintedent Jerickson Miraflor, sa intrevista kan Bombo Radyo Legazpi, kairiba sa nasabing narespondehan siyo an insidente nin pagkalamos partikular na sa banwaan kan Malinao asin Jovellar.
Siring man an pagresponde sa nagkapirang emerhensya durante kan prusisyon asin aksidente nin mga behikulo.
An nasabing mga insidente an tulos man na nirespondehan kan saindang mga personahes sa paagi kan pagtao nin pangenot na lunas.
Mientrastanto, nagpapasalamat man an BFP Albay sa kooperasyon kan publiko asin sa iba pang ahensya nganing maasigurar an matoninong asin kaligtasan sa pag-obserbar kan Semana Santa ngunyan na taon.
