LEGAZPI CITY – Narecover kan mga kapulisan an Limang improvised explosive device (IED’s) sa Barangay Bislig, San Andres, Catanduanes.
Segun ki Police Regional Office Bicol Director Brigadier General Andre Dizon sa intrevista kan Bombo Radyo Legazpi na naisagibo an pagrecover kan pinagsarong pwersa kan mga kapulisan asin kan Philppine Army.
Pigtutubudang kagsadiri kan Kilusang Larangang Gerilya 2 (KLG 2), Sub-Regional Committee 2, sa irarom kan Bicol Regional Party Committee of the Communist Terrorist Group (CTG) an mga nasabing pampasabog.
Makalihis an pagkakadiskubre, an tulos idinara an mga IED’s sa Catanduanes Police Provincial Office na ipig-turn over man sa Provincial Explosive and Canine Unit (PECU) para sa dokumentasyon asin safe disposal.
Pighayag pa kan opisyal na sa kagayunan an tulos na naaksyunan kan mga kapulisan asin ka-suldadohan an nasabing report kun kaya warang maraot na nangyari sa mga residenteng nakapalibot sa mga pampasabog.
Sa ibong kaini, kaipuhan man giraray suboot ninda an tabang kan mga nitezen sa paagi kan pagsumbong asin pagbantay sa mga kahina-hinalang bagay nganing matawan tulos nin aksyon kan mga otoridad.
Sa presente, subject for evaluation pa kan mga personahes kan explosive and ordinance disposal team an nasabing mga improvised explosive devices.
Huli digdi, ipigdoon ni Dizon na naka full alert an gabos na kapulisan sa provincia kan Catanduanes nganing mapaotob an pazy orden katakod na man kan nagdadangadang na 2025 midterm election.
 in Barangay Bislig, San Andres, Catanduanes.){kind=link}