LEGAZPI CITY- Bako kumbensido an sarong political analyst sa ginibong pag-endorso ni Vice President Sara Duterte ki Presidential Sister Senator Imee Marcos.
Ini an sa tahaw kan iwal sa pagultangan kan duwang poderosong pamilya sa nacion.
Segun ki Atty. Michael Henry Yusingco sa intrevista kan Bombo Radyo Legazpi na bako sierto kun dagos ng pinutol an koneksyon kan presidential sister sa administrasyon asin sa sadiri kaining pamilya.
Paliwanag kan opisyal na wara man mawawara sa bise presidente kasabay kan ginibo kaining endorsement.
Katakod kaini, pigpapabantayan man ni Atty. Yusingco an nangyayaring standard practice kan mga dynasty sa nacion.
Garing nakasanayan na kaya suboot an pagggamit nin maski anong istratehiya ngani na magtenir sa poder asin garing napapasipara na an mga programa kan gobierno.
Aminado ini na posibleng igwang epekto an nasabing endorsement alagad piglinaw na dakol na mga factors na an kinakaipuhan na hilingon sa sitwasyon.
