LEGAZPI CITY- Ilalatag na kan Land Transportation Office Bicol an Oplan Biyaheng Ayos Semana Santa and Summer vacation kun sain aktibo an mga personahes para sa ilalatag na seguridad sa rehiyon.
Ini an katakod kan pinag-aantisiparan na pagbulos kan mga biyahero na mauli sa rehiyon.
Segun Land Transportation Office Bicol Director Francisco Ranches Jr. sa intrevista kan Bombo Radyo Legazpi mapuon an 24 oras na pagbabantay sa Abril 11 hasta sa Abril 20.
Kaibanan sa mga gigibuhon kan ahensya an pagsasagibo nin inspeksyon sa mga terminal ngani na magkondusir nin safety audit sa mga behikulo.
Magkokundusir man an ahensya nin roadside inspections, random terminal inspection asin iba pa.
Sinabi man ni Ranches na matinding konsiderasyon an itatao ninda para sa mga motorista asin biyahero alagad nanindugan na dadakupon man liwat an mga pasaway asin magbabayolar sa ley.
