LEGAZPI CITY- Kinondenar kan Samahang Basketball ng Pilipinas sa Bicol an nangyaring pangungulog kan sarong basketball player sa sarong referee.
Nangyari an insidente sarong basketball event sa Nabua, Camarines Sur.
Segun ki Samahang Basketball ng Pilipinas Technical Academy Head and FIBA Commissioner Emmanuel Faraon na nagsapar nin lugad sa pandok an nasabing referee na kinaipuhan nin tahion.
Paliwanag kan opisyal na naghahagad nin foul an suspek alagad dae man inapudan kan referee huli ta wara man na nahiling na bayolasyon.
Digdi na nagkainitan asin sinapak kan player an nasabing biktima.
Napag-araman na an biktima na referee an sarong paratukdo sa pampublikong eskwelahan.
Segun ki Faraon na pursigido an nasabing biktima na magsunad nin kaso asin susuportaran ini kan saindang grupo.
Mientras tanto, nangapudan man an opisyal sa mga players o coaches na magin mahinahon sa anuman na kawat asin dae pagpairalon an init kan payo.
