LEGAZPI CITY—Nakapagrehistro an lokal na gobierno kan Donsol, Sorsogon nin kadugangang 40% na tourist arrivals ngonian na bulan kan Marso.
Segun ki LGU Donsol Tourism Operations Officer Don LLagas, sa intrevista kan Bombo Radyo Legazpi, na dakulang bagay an mga nagpapahiling na mga butanding sa lugar ngani na maengganyar an mga bisita na magpasiring sa saindang banwaan.
Sinabi kaini na kalimitang nagbibisita an mga foreign guests na may 30% sagkod 35%, mantang an local guests an nasa 5% sagkod 10%.
Dugang kan opisyal na an kagayunon soboot kan pagbisita nin mga turista na may obhetong mahiling an mga butanding nakakatabang sa bilog na banwaan kan Donsol partikularmente na sa kabuhayan kan mga namamanwaan digdi.
Dakula man na manipestasyon an pagbisita sa saindang banwaan na kun saen an lambang saro igwa nin pagmakulog asin paninindigan pag-abot sa pag-ataman kan marine wildlife.
