Inomaw ni dating Senador Antonio Trillanes IV an ipinahiling kan Philippine National Police (PNP) na propesyonalismo sa maray na pag-arestar kay dating Presidente Rodrigo Duterte.
Inomaw man kaini sinda PNP Chief Gen. Rommel Marbil asin Maj. Gen. Nicolas Torre kan PNP Criminal Investigation and Detection Group (CIDG) sa saindang maingat na pagsunod sa kasuguan kan International Criminal Court (ICC) sa ibong kan pagtutol kan pamilya asin mga abogado ni Duterte.
Segun kay Trillanes, an siring kaining gawi an pwedesir magbalik kan magayon na imahe kan PNP na naraot kan nakaaging administrasyon huli sa mga insidente kan paggadan sa mga inosenteng sibilyan.
Magigirumdumang inarestar si Duterte kan Marso 11 pag-abot niya hale Hong Kong sa Ninoy Aquino International Airport.
Maski warang kadahasan, naka-eksperyensya sinda Torre nin verbal asin pisikal na pang-aabuso hale sa pamilya ni Duterte, kabale an pagtulak kan agom kaini na si Honeylet Avanceña asin pangmumuda kan aki kan dating Presidente na si Veronica “Kitty” Duterte.
Sa ibong kaini, mantinidong kalmado asin propesyonal si Torre sa enterong durasyon kan pag-arestar sa dating lider kan nacion.
 in the successful arrest of former President Rodrigo Duterte.){kind=link}