LEGAZPI CITY—Sarong kasulo an nagbungkaras sa sarong residential house sa Purok 1, Barangay 7, Camalig, Albay.
Segun ki BFP Camalig Chief IIU SFO1 Alexandra Flores, sa intrevista kan Bombo Radyo Legazpi, na segun sa saindang nagunong impormasyon sa mga nakahiling kan insidente na kan ini saindang nahiling nasa fully-developed stage na an kasulo asin dae na ninda naagapan pa.
Sinabi kan opisyal na an may pagsadiri kan harong sarong senior citizen asin bako nang masyadong marhay an paghiling, na kun saen solo suboot ini sa harong asin dae tulos nareparo na nasusulo na an saiyang residencia.
Nakaapod pa man ini nin tabang sa saiyang apo kaya nailuwas siya sa harong.
Dugang ni Flores na gibo sa light materials an nasambitang harong.
Sa presente padagos man an imbestigasyon kan mga otoridad sa naunambitang insidente.
