Bako na guerilla type an operasyon kan POGO nin huli ta padagos an paglakop kaini sa enterong nacion.
Sa presente pigpapakusog pa kan Presidential Anti-Organized Crime Commission an saindang operasyon nganing masugpo an naglalakop na operasyon kan POGO.
Segun ki PAOCC Spokesperson Winston Casio na naglalakop na an operasyon kan mga iligal na POGO bako sana sa Luzon kundi pati na man sa Visayas asin Mindanao.
Pigtaram ni Casio na basado sa mga operasyon na saindang ikinasa laban sa POGO na dae na sinda nag-ooperate sa sadit na grupo kundi dakula na.
kan nakaaging semana, ni-raid kan PAOCC an sarong mega scam hub sa Parañaque at Pasay, kun saen ginatos na foreign nationals an naarestar.
Aminado an PAOCC na nakahahandal an sitwasyong ini, huli ta indikasyon ini na dakol pa an natatadang iligal na POGO sa nacion.
Nagpromesa man an ahensya na mas papahiguton pa ninda an saindang operasyon nganing masyerto an ganap na pagpapa-otob kan POGO ban.
