LEGAZPI CITY- Inihayag kan Philippine Institute of Volcanology and Seismology (PHIVOLCS) na magtitinir an alert level 2 sa Bulkang Mayon sa ibong kan pagbaba na kan nagkapira sa pigbabantayang parametro.

Sa intrevista kan Bombo Bombo Radyo Legazpi kay Paul Alanis an resident volcanologist kan PHIVOLCS, sa ngunyan nag-aabot na sana sa 260 tons an pigbubugang sulfur dioxide kan bulkan na mas hibaba kung ikukumpara sa nasa 300 tons kan nakalihis na semana.

Alagad nagpapadagos man an pagdakula kan lava dome kan bulkan na may sukol ng 48,000 cubic meters hali sa dating 40,000 cubic meters kan Agosto.

Indikasyon suboot ini na may nabibilog man giraray na pressure sa irarom kan bulkan dara kan pagsakat nin magma na posibleng magkawsa nin pagsabog anuman na oras.

Dae man pighahali kan opisyal an posibilidad na isakat pa sa level 3 an alertong nakasunad sa bulkan en kasong makahiling nin pagluwas nin bagong lava sa bunganga kan nasabing bulkan.