LEGAZPI CITY- Tutugutan na suboot na makalaog sa nagkapirang tourist destinations sa Albay an mga turista, lokal man o dayuhan para sa pag-obserbar kan Semana Santa.
Ini an kasunod kan pormal nang pagbaba kan bulkang Mayon sa Alert Level 2 status.
Sa intrevista kan Bombo Radyo Legazpi kay Albay Public Safety and Emergency Management Office (APSEMO) chief Dr. Cedric Daep, pwede na suboot maglaog an mga ini sa Mayon Resthouse sa Tabaco City makalihis na pormal nang i-lift an gabos na ibinabang advisories kan Provincial Disaster Risk Reduction and Management Council (PDRRMC).
Popular kaya an nasabing lugar durante kan Semana Santa na pigdadayo kan mga turistang mawot an matoninong asin relaxing na pag-obserbar sa importanteng okasyon.
Sa ibong na lado, dae pa man suboot pwedesir na magrani sa crater kan bulkan na mantenidong nagbabaga siring man sa lavafront huli sa kinahahaditang rockfalls.
Mientras tanto, segun pa ki Daep na pwede na mang makalaog an mga residente sa 6-kilometers Permanent Danger Zone (PDZ) mantang pighahalat pa sa ngonian an pag-aprubar sa legislation na siyang makakapagbawal sa mga ini sa lugar.
