LEGAZPI CITY — Ikinaogma kan mga residentes kan Barangay Matanag sa ciudad kan Legazpi an pagbabalik-normal kan buhay makalihis an decampment kasunod kan pagbaba sa alert level 3 status kan Bulkang Mayon.
Sa intrevista kan Bombo Radyo Legazpi ki Kapitan Reynaldo Poquillo, nasa normal na suboot an hanapbuhay kan mga constituentes alagad mahigot man giraray na ipigbabawal an paglaog sa 6-kilometer Permanent Danger Zone (PDZ).
Napag-araman na kadaklan sa mga residentes an naglalaom sa ikabubuhay sa laog kan PDZ kun kaya padagos an apelar kan opisyal na magsunod sa kasuguan.
Sa ibong kan decampment, padagos man an nareresibeng ayuda hale sa gobierno kun saen ngonian na aldaw nakatalaan na magbariwas nin tabang an Department of Social Welfare and Development (DSWD).
Kumpiyansa man an kapitan na salbado an barangay sa pigkakahaditang lahar flow urog na makakatabang suboot an iko-contstruir na 900-meters na dike sa boundary kan Barangay Buyuan asin Matanag na popondohan kan Ako Bicol Partylist.
