LEGAZPI CITY — Ipiglipat sa ibang classroom an nagkapirang pamilya na nagtetenir ngunyan sa Bariw National High School makalihis laugon nin tubig-baha an saro sa mga kwarto kan mga evacuees na hali sa Barangay Quirangay, Camalig, Albay.
Sa eksklusibong intrevista kan Bombo Radyo Legazpi kay Kapitan Elmer Grajeda, dae muna ibabalik an mga ini sa nasambitan na room huli sa pagkahadit na likwat na magkaigwa nin makusog na pag-uran sa probinsya.
Tulos man suboot na tinawan kan lokal na gobyerno kan Camalig nin isusulot na bado an mga ini makalihis madumog an saindang mga gamit.
Marurumduman na bako ini an enot na bes na linaog nin tubig an mga evacuation centers huli ta enot na ining nagin problema magin sa iba pang mga banwaan sa probinsya.
Mientrastanto, segun sa nasambitan na opisyal, natawan na man ngunyan nin solusyon an problema sa malinig na supply ng tubig na enot nang nagkawsa nin pagtataw sa nagkapirang mga residente.
Dugang pa kaini na nagsasagibo man nin meeting an mga opisyal kan barangay kaibanan si Camalig Mayor Ding Baldo ngani na mapag-olayan an iba pang pangangaipo kan mga evacuees makalihis an maabot sa duwang bulan nang pagtetenir kan mga ini sa evacuation center.
