LEGAZPI CITY — Binawian na nin buhay an driver kan sarong motorsiklo mantang irido an backride kaini makalihis na mabangga kan saro pang motorsiklo sa Barangay Sugcad, banwaan kan Polangui, Albay.
Binisto an nagadan na biktima na si Christian Jay Lomerio mantang irido man an angkas na si Cherry Joy Bronia, parehong 19-anyos asin residente kan nasabing barangay.
Susog sa imbestigasyon kan Polangui Municipal Police, pigbabaybay kan duwang motorsiklo an magkasuway na direksyon kan alagad kan mag-abot sa pinangyarihan kan insidente partikular na sa pakurbadang parte kan tinampo, biglang inokupa ni Gilbert Samaniego, 24-anyos kan Barangay Ubaliw an lane ni Lomerio.
Causa tangarig na aksidenteng mabangga ni Lomerio an walang porsyon kan motorsiklo ni Samaniego asin nawaran nin kontrol si Lomerio kun kaya natumba sa tinampo.
Huli digdi, nagsapar nin malalang lugad an driver na si Lomerio na dinara sa ospital alagad idineklarar na dead on arrival mantang nagsapar man nin lugad sa payo asin hawak si Bronia na sa ngonian an natawanan na nin medikal na asistensya.
Nasa kustodiya na man kan pulisya an driver na si Samaniego tangarig ba kahampangon an posibleng isunad na reklamo.
