LEGAZPI CITY- Ipigheras ni Brgy. Kapitan Michael Miña kan Brgy. Bonga sa ciudad kan Legazpi an epektibong pangontra sa mga tawong igwang mararaot na intensyon sa paglaog sa sarong barangay.
Sa intrevista kan Bombo Radyo sa nasabing opisyal, dakulang tabang suboot sa implementasyon kan Executive Order No. 36 ni Legazpi City Mayor Noel Rosal an pagkakaag nin dakol pang street lights.
Nakalaag kaya sa nasabing kasuguan an pagpaparehistro kan mga estranghero na naglalaog sa barangay siring man an mga tuyo kaini.
Marikas kaya suboot na mahihiling asin mabibisto an pandok kan mga posibleng magibo nin maraot kun maliwanag sa lugar.
Afuera pa sa street light, mas marhay man giraray segun ki Kapitan Miña an mahigot na monitoring kun saen mismong an opisyal pa an nagdudulok sa mga tawo na nagpalyar na makapag-logbook kan mga pangaran asin rason kan pagbisita sa barangay.
Tinawang-duon kan kapitan na importante an nasabing lakdang huli ta bako sana seguridad kan kada pamilya an pigbabantayan kundi an bilog na barangay. VC_Brgy. Kapitan Michael Miña_3
