LEGAZPI CITY — Dae na naisalbar pa sa kagadanan an sarong lalaki makalihis na pagsasaksakon asin pagtitigbason kan sadiri man sanang ama sa Purok 4 Brgy Banag, banwaan kan Daraga, Albay.
Sa inisyal na imbestigasyon kan Daraga Municipal Police, nagkakaturog suboot si Ramil Cimanes, 39-anyos kaibanan an mga aki kaini kan biglang maglaog an amang si Nelson Cimanes, 74-anyos.
Dara an sarong patarom, warang habas kaining pinagsasaksak asin pinagtitigbas an nagkakaturog na aki.
Huli sa kritikal na tama sa manlaen-laen na parte kan lawas, nagresulta ini sa tulos na pagkagadan ni Ramil.
Sa ngonian, nagpapadagos pa an imbestigasyon kan mga otoridad sa nasabing insidente.
