LEGAZPI CITY — Inako kan Departamento de Salud na nadidifisilan sinda na makakua nin fondo ngani na masuportaran an mga pangangaipo kan mga ospital sa bilog na nasyon asin makakua nin mga doktor asin nurse na mawot na mag-asikaso nin mga pasyente huli sa hibabang sweldo.
Ipigbuyagyag man ni DOH Secretary Pauline Ubial, na sa ngonian an rehiyon kan Bicol an igwang kapasidad na one bed per 1,900 population.
Katakod kaini, pigmamawot suboot kan ahensya na magkaigwa nin at least sarong bed sa kada 800 na mga pasyente.
Ipighayag man kan opisyal na suportado kan DOH an Legazpi City Hospital kasabay kan pagtataong duon sa pangangaipo na ma-upgrade an mga ospital sa bilog na nasyon.
Mientrastanto, pagbuyagyag kan opisyal na obheto kan ahensya sa iraraom kan Duterte administration na magkaiwga nin improvement sa pangangataman sa salud kan mga Pilipino kun kaya saindang ipig-presentar ki Presidente Rodrigo Duterte asin sa mga gabinete kaini an health facility development plan kan DOH na tulos man suboot na inaprubaran kan punong ehekutibo.
An lakdang na ini an dakulang katabangan suboot para sa mga pasyente asin sa mga nurse na kadakol na mga pig-aasikaso sa laog nin saronga ldaw na haros dae na pigkakaya kan saindang oras.
