LEGAZPI CITY — Ikinabigla kan kampo kan alkalde kan Malinao na si Mayor Billy Ceriola an dapit sa kasuguan na ipinadara sa paagi kan Department of Interior and Local Government (DILG) na kinapapalamanan kan dismissal from service kaini.
Sa ekslusibong intrevista kan Bombo Radyo ki Mayor Billy, 2014 pa an notice na nakua ninda dapit sa reklamo asin in-acknowledge na mientras na nagbaba liwat nin order na pareho man sana an laog.
Mientras tanto, gigibuhon suboot kan nasambit na alkalde an magkakanigong legal na lakdang tangarig na kontrahon asin kwestyunon an desisyon asin sinabing dae ninda pigrereconocer an lakdang kan pagribay sa posisyon ni Vice Mayor Sheryl Capus.
Magigirumduman na nag-ugat an isyu sa ipiglatag na reklamo kan kaitong Municipal Councilor na si Ervin Fajut katakod kan ipinatugdok na bulangan na pigpepensar na dakula an magiging katabangan sa pag-angat kan banwaan.
