LEGAZPI CITY- Aminado an barangay kapitan kan Barangay Lapu-Lapu, Legazpi City na bako pa 100% nasusunod kan saiyang mga constituentes an No Segregation No Collection Policy.
Inako ni Lapu-Lapu Barangay Captain Gemma Espiritu na nakatutok sinda ngunyan sa solid waste management huli ta dakol pa sa mga residentes sa lugar an dae pa nag-uutob sa nasambitan na ordinansa.
Bilang primer na lakdang, nagtao na suboot sinda nin abiso sa mga harong siring man sa mga establisiemiento na napag-araman na nagtatapok kun minsan nin bako segregadong basura.
Target man ni Espiritu na maiangat an saiyang pinamamayuhan na barangay gikan sa pagigin kulelat pag-abot sa mga Top Implementeng Barangays kan segregation policy.
Ipighayag kaini na plano ninda ngunyan na magpintura nin mga murals sa mga lanob o pader ngani na magsirbeng giya asin pagirumdom sa mga tawo sa lugar.
Nakapairarom an No Segregation No Collection Policy sa RA 9001 o an Ecological Solid Waste Management Act na mahigot ngunyan na pig-papautob kan gobyerno sa gabos na banwaan sa Pilipinas.
