LEGAZPI CITY – Liwat na nagkahampangan an persa kan militar asin pinagtutubudan na miyembro kan rebeldeng grupong New People’s Army (NPA) sa Brgy. Tugawi, Gubat, Sorosogon.
Sa impormasyon na naguno kan Bombo Radyo Legazpi, napag-araman na mantang nagkokundusir nin strike operation sa nasambitan na lugar, nakasagupa kan pwersa kan 31st Infantry Batallion an pinagtutubudan na miyembro kan rebeldeng grupo.
Naghaloy an nasambitan na engkwentro sa laog nin 15-minutos alagad wara man na nalugadan sa lado kan militar mantang pigkukumpirmar pa sa lado kan NPA.
Nagkondusir na man nin checkpoint operations an Philippine National Police para sa pagdkakadakop kan mga miyembro kan rebeldeng grupo mantang nagpasiring man an mga otoridad sa mga ospital asin clinic sa lugar na igwang pasyenteng may tama nin badil sa paglaom na makakakua nin impormasyon dapit sa NPA.
