LEGAZPI CITY – Pigbabasol ni Albay Rep. Edcel Lagman si Presidente Rodrigo Duterte katakod kan pagpapahuba sa ginatos na preso sa Cebu Provincial Detention and Rehabilitation Center para sa mahiwasan na search.
Sa sarong pahayag, sinabi ni Lagman na bako kaako-ako na hinubaan an mga convicts sa Cebu Provincial Jail ngani sanang maisagibo an nasambitan na lakdang kan kapulisan.
Dae man nin nahiling na sala an Malacañang sa strip search na pigkuahan pa nin ladawan asin ipinaluwas sa social media.
Dugang pa ni Lagman, an mga prison officials an dapat na manimbag sa pagpalyar na dae ma-detect asin makumpsikar an ano man na kontrabando asin armas sa gate kan kulungan antes na makalaog an mga preso sa prison compound.
