LEGAZPI CITY — Bukas na tangarig na magresponde an emergency numbers kan 911 Center kan ciudad kan Legazpi, dawa nasa irarom pa kan dry run operations.
Sa intrevista kan Bombo Radyo Legazpi ki City Public Safety Office head Rolly Esguerra, aktibo na an mga numero asin kaya naman na idagos kan mga ekipahe an servicio.
Klinarificar kan oficina na apod sana an ia-acomodar kun mahagad nin responde urog na sa pag-aram kan iba pang mga detalye sa magigin rescue effort.
Magigin 24/7 standby man an mga personahe alagad nasa proseso pa sa ngonian an ibang aplikante sa call center na masimbag sa mga apod.
Apelar man ni Esguerra na ibitaran an prank calls na nakakaraot sa programa kan ciudad sa marikas na pagtataong-asistensya.
