LEGAZPI CITY- Siyam na mga centenarians na sa provincia kan Albay an natawan na kan P100,000 hali sa gobierno puon kan Enero hasta Hunyo ngunyan na taon.
Segun ki Albay Provincial Social Welfare and Development Office Head Maria Vivien Cea sa intrevista kan Bombo Radyo Legazpi na an nasabing asistensya an susog sa Centenarians Act of 2016 asin dinugangan pa nin P50,000 hali sa gobierno provincial.
Paliwanag kan opisyal na bako lang para sa mga nagsusumiter nin aplikasyon an nasabing asistensya.
Sa presente kaya igwa na suboot nin masterlist an provincia sa saindang data base kun sain nakalaag an mga posibleng makaresibe nin ayuda.
Kinakaipuhan sanang magsumiter kan saindang mga birth certificate ngani na maprobaran na uminabot na sinda sa 100-anyos na ipigtatalaan kan ley.
Mientras tanto, nagpapadagos man an pigigibong pay out nin social pension para sa mga nagtitios na senior citizen.
Sa presente ipigtatao an ayuda kada ika-anom na bulan ngani na makatabang sa pangangaipo kan mga nagtitios na mga may edad na.
