Nagkamalay na an siyam na taon na aking lalaki na na-coma makalihis suboot bugbogon kan nagkapirang high school students sa Iligan City, Lanao del Norte.
Sinabi pa kan ama kan biktima na nakauli pa an saiyang aki alagad dinara na sa ospital kan Agosto 4 makalihis na magreklamo nin kulog nin payo.
Basado sa imbestigasyon kan pulisya, pauli na kuta an biktima kaiba an saiyang kapitbahay kan abangan sinda kan apat na suspetsado.
Nakadulag an kaibahan kan biktima kun kaya dae kaini nahiling an ginibo kan mga suspetsado sa aki.
Sa nenot na report, inihayag kan mga opisyal kan barangay na nag-ugat an iriwal huli sa ginibo suboot na pag-awat kan biktima sa duwa pang aki na nag-iiwal man.
Segun sa pulis, hahagadon ninda nin pahayag an biktima oras na magrahay na an saiyang kondisyon nganing maaraman kun ano talaga an nangyari saiya.
