8 katawo nagpaparahay na makalihis maaksidente an piglulunadan na jeep sa Sorsogon
LEGAZPI CITY — Nagpaparahay na ngunyan an walong pasahero na nagsapar nin minor injuries makalihis na maaksidente an piglulunadan kaining pampasaherong jeep sa porsyon kan Barangay San Roque, banwaan kan Bulusan, Sorsogon.
Segun sa impormasyon na ipinaabot kan Sorsogon Police Provincial Office, tulos na nagresponde sa lugar an mga tauhan kan Bulusan Municipal Police makalihis ma makaabot sa saindang kaaraman an dapit sa nasambit na aksidente.
Nagluluwas sa inisyal na imbestigasyon kan mga otoridad na kan makaabot sa zig-zag na tinampo an jeep, nawaran nin kontrol an driver na si Romulo Evascom 58-anyos.
Huli digdi, aksidenteng nabangga kan behikulo an pataas na porsyon kan dalan na nagresulta sa pagka-irido kan walong pasahero na tulos man na naidalagan sa ospital.
Mientrastanto, paramientras man ngunyan na nasa kustodiya kan Bulusan PNP an imbweltong pampasaherong jeep para sa magkakanigong disposisyon.
