Mayorya kan mga Pinoy an nagtutubod na dapat na hampangon ni Vice President Sara Duterte an paglilitis kan Senado o an impeachment court.
Basado sa survey kan Tugon ng Masa Octa Research, 78 percent kan mga Pinoy an gusto na hampangon ni VP Duterte an impeachment court nganing simbagon an mga alegasyon laban saiya asin madepensaran man niya asin malinig an saiyang pangaran.
13 percent sana an tutol mantang 9 percent an nagsabi na dae ninda aram o wara sindang pakiaram.
Segun sa OCTA, an resulta kan survey an nagpapahiling kan makusog na suporta kan publiko sa accountability asin due process sa pag-aksyon sa mga alegasyon laban kay VP Duterte.
Enot na digdi, kinuwestion ni Duterte kun pwedesir magbalyo sa 20th Congress an Articles of Impeachment na isinunad laban saiya sa Senado sa 19th Congress.
An non-commissioned survey an isinagibo poon April 20 hasta 24 sa paagi kan face-to-face interviews sa 1,200 male asin female respondents na edad 18 asin pataas.
