Dae pa nagluwas nin opisyal na pahayag an gobierno kan Pilipinas sa panibagong madahas na aksyon kan China kontra sa puwersa sa West Philippine Sea.
An latest incident an nangayri kan Lunes sana, Hunyo 17, 2024, kun sain magsasagibo kuta nin rotation asin resupply mission.
Alagad hinapa sinda kan mga personahes kan China asin nauli sa komprontasyon.
Nagkaigwa pa suboot nin pisikal na labanan.
Alagad huli sa kadakol kan mga Tsino, nagibo kan mga ini na malugadan an mga Pinoy, kun sain igwa pang naputulan nin guramoy.
Mantang kinua an walong high-powered firearms asin naluho pa an rigid hull inflatable boat (RHIB).
Magin an team na nasa BRP Sierra Madre an labing naghadit kan makaabot an resupply mission.
Dae man nagluwas nin pahayag an Philippine Coast Guard (PCG) huli ta dae suboot sinda nagtatao nin statement para sa anumang aksyon o development hali sa lado kan militar.
