Gadan an pitong katawo mantang labi sa 100 na iba pa an nakidnap sa pag-atake kan mga bandido sa Maidabino village sa Katsina state kan Nigeria.
Segun sa mga otoridad, bigla na sanang nag-abot sa lugar an mga armadong kalalakihan na lunad nin motorsiklo.
Hinarangan suboot kaini an mga tinampo pasiring sa lugar saka nagpauran nin bala, rason nganing mapiritan na magdulag an nagkapira sa mga residentes.
Makalihis ini, pinaputokan kan mga suspetsyado an nagkapira sa mga residentes asin sinulo an duwang iba pa.
Saro-saro man kaining nilaog asin hinabonan an mga harong saka pigkidnap an mga residentes.
Sa ngunyan naglunsar na nin mahiwasan na manhunt operation an mga suldado asin pulis ngani na mahanap an mga suspetsyado.
Wara pa man na grupo an nag-aako nin responsibilidad sa nasabing pag-atake.
