LEGAZPI CITY-Pumalo na sa 40 lugar sa Pilipinas an nasa state of calamity (SOC) huli sa sa pananalasa kan mga bagyo asin Habagat.
Basado sa datos hale sa National Disaster Risk Reduction and Management Council (NDRRMC), kairiba sa mga nasa state of calamity an 23 na ciudad asin banwaan sa lalawigan kan Cavite asin 17 lugar sa Metro Manila asin iba pang mga provincia.
Sa monitoring kan ahensiya, nakasairarom sa state of calamity an mga banwaan sa Pangasinan, Bulacan, Pampanga, Batangas, Rizal, Palawan, Antique, asin sa Metro Manila kairiba an Malabon City, Quezon City, asin Las Piñas.
Kairiba man an provincia kan Ilocos Region siring kan Pangasinan, Dagupan City, asin Cebu City kung sain nakdanas nin matinding pagbaha.
Sa presente, apektado na kan mga kalamidad an labi sa 2.7 milyong indibidwal hale sa 700,000 pamilya sa gabos na rehiyon sa nacion.
Nasa 147,000 indibidwal man an nagtetenir sa mga evacuation centers.
Nakapagrehistro man nin mga insidente nin pagbaha, pagrasay nin daga, asin pagbagsak kan mga edipisyo sa ibang parte kan nacion.
Pinakamatinding nasalanta an mga rehiyon sa Central Luzon, Negros island, asin CALABARZON.
Mientrasntanto, nasa 12 kaatwo na an nagadan huli sa kalamidad mantang 8 pa an pighahanap kan mga otoridad.
